HUNTER VALLEY遊: 住宿外景

以下所謂外景包埋BACKYARD FRONTYARD遇到動物先生小姐…

屋外有個無限大嘅FRONT YARD，

所謂無限大，

係你唔想冬天下烈風中行過去。

我諗下去路口拎信來回返來至少十五分鐘，

睇落去好似好近，行﹣ABLE，

門口係池塘右方盡頭，

但內裡危機四伏，

好多POO POO，鴨呀，袋鼠呀，唔知呢啲嘢邊個打邊個，

總之就係好鬼多!

屋外花園範圍係，佢後面仲有個勁大地方圍住隻牛，

前面有個池塘，左面其實都有個細少少池塘，但都好大吓，

仲有野鴨偷偷地係度住，佢地一定係野生，我都未行過去就飛走，

後面仲有養雞籠。

先講堆雞，佢見我地停車已經不斷咁叫，

我見佢放嘢食兜兜空，

見到我地去邊佢地又跟去邊，

又會好哀怨咁叫，好似啲狗狗咁…

以為佢好餓，於是俾面包佢地，

佢地真係好似餓狗咁搶住來食，

心諗都乜咁陰公唔俾佢食，

後來屋主話可以入去雞籠睇下有無蛋，

第二朝就順面睇吓佢地有無留低雞糧，

俾我搵到，

滿心歡喜入去餵，

佢地唔食囉＝＿＿＿＿＿＿＿＝，

然後我發覺籬入面有大量雞糠。

原來佢地揀食!!!!

發現蛋蛋…

最後騎劫兩隻走佬…

屋主後來回訊時補充一句食剩PASTA可以餵佢地!

@口@ 嘩，咁豪華要食PASTA!有無食得肥膩!!!

不幸地我第二日入籠拎蛋唔小心踩到隻白公雞，

最尾一日諗住睇吓仲有無蛋[我老公不斷煩我唔拎走會發臭]，

入到籠中被白雞肥肥身軀加佢個尖尖咀咀衝落我隻腳樹，

我老公仲嘈話佢地打交就咪過去，但重點係佢好明顯沖我至來，

被佢咀撞至痛，佢地肥騰騰撞過來，我只感到大團肉好衝擊，

佢突然好暴躁，當下快閃，

但被佢施展肥肥衝擊搞到有點腳軟。

養雞仲有一個攞命嘅嘢係五點幾天未光就雞啼!

一向醒瞓嘅我…好想出去劏咗佢地。

後園另一方有個好大草地用欄杆圍住，入面有隻牛，

初時叫極都唔肯過來，個樣仲要好臭串。

過一陣要確定我們係嚟搵佢，

佢至施施然過來，

又係鍾意食面包，

食到口水鼻涕都流，

屋主話佢好鍾意食水果，

打後二三日都餵袋寶唔食嘅香蕉，

真心覺得餵牛比餵袋寶成功感大好多。

而後來就用面包引佢過去，

由先前施施然變飛奔!!!

我當場嚇親，好驚佢唔識停，

張開口連埋我隻手都放入口!

牛牛真係好可愛，我餵咗好多禁品俾佢XDDD。

黃昏同日出時份還會見到野生袋鼠，

真係唔敢行過去，

有晚一開車頭燈見到兩隻灰灰腳[十米內]，

第一眼仲未來得及看清係人定乜鬼。

只係知我好Q驚!話有毛嘅腳呀!

再放高燈，話有上半身手脾有肌肉一舊舊嘅袋鼠呀!

註：屋後園無燈，只可以靠手上電筒照明。

大家可能覺得好得意，

袋鼠走過大家警覺性要高，

以為走來抱抱你，

下一秒就伸腳，再出抓，

你就BYE BYE要去醫院了。