香港「大峽谷」— 菠蘿山 輕鬆半日遊

一上FB/IG就被呢D行山相瘋狂洗板，家陣天氣冇咁焗，真係好岩去行下山，影下相

明顯地，影靚相先係重點啦！

我地想睇日落，所以下午先出發，約咗大約3點半係屯門良景邨出發，但友人遲到，咁我地就去下商場買下水，零食先

之後就行去基良學校嘅入口等佢地，都好多人係呢個時間出發，所以都好熱鬧

菠蘿山高 121米，位於山景邨和良景邨之間，稱為「屯門後花園」，而近年被人發現有獨特的景色，有「港版大峽谷」之稱，吸引不少人拍照留念 （from wiki)，無錯，我地就係被佢獨特的景色吸引而來嘅其中一班人喇！

大家留意返，佢一黎就係上斜嘅，所以開頭會比較吃力，但唔算係好辛苦，行咁大約15-20分鍾已經可以睇到屯門

睇完就繼續上斜啦！上多陣就會係平地

之後就要繼續上斜，今次個斜坡係超斜，起碼5-60度，不過係石屎路，慢慢行就會到

之後個D都係呢D泥石路，比較”線”，大家小心D

於hutchgo mall 搜尋人氣行山郊遊裝備及專業行山用品，多款遠足必備產品任你挑選！
Reecho SUN GAITER CAP 多功能防曬帽 $220 起
OSPREY EJA 38登山背囊 $1317起

過埋就會到影相位，之後沿住行落去都可以Keep住影

今日天色都幾好，仲要愈來愈靚

不過天黑得好快，我地根本未去到下白泥個天都已經黑晒，要開電筒落山

入黑之後恐佈好多，好彩落山之路唔難，加上有人跟係我地後面，個心都定好多

比定心理準備大家，落山之路比較長，我地起碼摸黑行咗45分鍾先落到去，見到交通工具指示牌，但呢個仲未係終點，因為你仲未搵到車出返去，我地一路call uber，一路行，都要行多30分鐘先上到車走人！

PS:- 行之前一定要去咗廁所先，因為山上唔會有廁所，加上要落到好落好落先會有個廁所
– 如果想去下白泥睇日落，建議再早D出發，因為每個影相位都要等，所以個度用左都幾多時間架
– 影相同時都要注意安全，因為風化頗嚴重，D石/地都好”線”
– 自己垃圾要自己帶走

＊香港有好多好靚嘅行山徑，大家要多發掘下！