台北就去得多
台北上面嘅陽明山 我想唔係太多人有行過啦？
作為一年都至少飛四五次台北 捷運都搭到熟哂嘅香港人
呢次決定要挑戰下自己 去行下呢座山
點去我諗唔洗我教啦
香港直航飛台北 班次分分鐘密過你樓下架巴士！
陽明山國家公園裡面嘅七星山主峰，係台北第一高峰，高1120米
大帽山都差唔多成千米高，所以呢個挑戰難度都唔算太高！
而七星山有三個登山口，呢次我選擇左小油坑登山口，大概820米高。
(Source: 明山國家公園官網)
望下個登山口！已經靚到咁。
行山徑沿路都有好清晰嘅指示，所以唔怕蕩失路！
你睇下，其實條行山徑都唔長，好岩一家大細去遠足一日！
呢度可以望番下面入口停車場
沿途都有好多茫草，以後大家知道除左上大東山，嚟台北都可以有好多打卡位啦。
呢度仲要比大東山高，好大機會會出現雲海同霧
加埋D茫草，構圖簡直一流！
順帶一提，呢度有個火山活動區，石上面會有硫磺。台灣係個地殻活動頻繁嘅地區，造就左咁多靚景同溫泉。等陣行完山就可以番酒店浸，正！
行山徑中途仲設有好多觀景台比你影到夠！
差唔多到頂啦！！！
你以為啦，有排你行呀
正當我無哂力嘅時候，我見到野生竹雞，真係好有趣，可以通山跑
如果人都可以好似佢地咁自由自在，無拘無束咁就好啦
行左咁耐，終於到啦！
但當睇到靚景，就乜野辛酸都唔記得哂。
#寫出你遊歷 #hutchgo資助旅費1000蚊
