親子外遊 。日本四國篇。Day II (4)

比九州更鄉下… 但又好喜歡呢個感覺~!!

黎到愛縣, 我地第一站係.. 道後溫泉街~!

溫泉街入口有個大鐘, 好靚靚呀~!
正點時, 有D報時公仔出黎, 我地黎到剛剛係報完… 返入個鐘~!

旁邊仲有個池, 可以浸腳呀~!!
不過, 我地太少時間, 得一個鐘…. 冇啦…
影下相就走了~!!!

溫泉街入口就係道後溫泉站, 有紀念品… 行入少少就見到電車,
HEI HEI好想坐呀~!!! 不過都係個句, 跟團一趕鴨仔…
冇啦~ 影張相就走~!!!

道後溫泉站有郵筒, 係船上瘋狂寫完既明信片…
有部分就係呢度寄出既~!! 日本真係好多郵局+郵筒… 今次既旅程, 我都去左4間!!!!

好啦~ Shopping時間~!!! 道後温泉街好短, 一陣就行晒….
不過要間間都入去細心咁睇, 都要半日~!

呢度我地買左… 蝦餅、果子、明信片、咖啡… 都係四國限定既口味~!!!

仲有間龍貓既專門店~!!! HEI HEI 唔係FANS… 冇買~~
但有可以同龍貓一齊等巴士, 當然要影下~!!!!

行到尾尾… 一出去就係道後溫泉本館,
我地酒店唔係呢度附近, 冇機會入去,
好多係附近住的遊客, 都係換好晒浴袍入去試下個溫泉呀~!!!

呢區都有好多特產店舖… 例如我身後呢一間, 有柑桔汁…
仲有柑橘咖啡, 好香呀~!!! HEI HEI 買黎做手信~!!!

仲有… 小溪邊的意大利餐館…
好想入去呀~!!! 見到有個大窰烤緊薄餅….

可惜係… 冇時間… 到此一遊完畢~!
返酒店食飯 + 浸溫泉~!!
是晚入住 – 奧道後壹湯之守酒店
https://www.okudogo.co.jp/index.php

都係和洋式, 但.. 比較舊… 房有煙味 ;

但個溫泉好舒服~!!有戶外、有戶內… 小熊貓都好喜歡~!!

當晚有好多人入住, 晚上浸時太多人..
我地冇浸一陣就走了;
反而第二朝早D起身, 5:30…
再去戶外溫泉浸多一次~!!!!!!
嘩~~~~ 有D風涼涼地吹埋黎, 但自己就浸係D溫泉水裡面~! 正~~
可能太早…. 冇人同你爭~!!
好似拍緊旅遊特輯, 望住溪景、森林個種大自然的寧靜享受~!!!

待續….