想當年幸晴一歲生日, 我地去左台北旅遊, 依家到煮魚生日, 冇理由唔去架嘛, 做人要公平!!! (好一個藉口呀
), 今次暑假去, 每日都37度高溫, 真係熱到我地即刻改行程, 由室外轉晒做室內, 因為真係太熱啦!!! 幸好宜蘭親子景點多的是, 即刻改行程都冇問題!
落機後直奔宜蘭, 即刻去食白熊燒鍋
呢次旅程我地都食左好幾餐火鍋, 事關帶住小朋友食火鍋就最方便呀! 叫個清清地既湯底, 幸晴煮魚都食得, 好過自己煮啦!!!
一去到野食都未叫就上左一盤蔬菜盤, 湯底 同一支紅茶, 所以去到只想食肉定海鮮就得啦
個蔬菜拚盤仲有少量丸類
除左有台灣好興既沙茶醬外, 仲有特製青蔥羅勒醬, 呢個醬配海鮮真係超超超正呀!
最後, 老公叫左牛肉, 個套餐仲有飯/烏冬/冬粉
我就叫左店員推介既海鮮拼豬肉
海鮮真係好味呀! 連鮑魚仔都有一隻! 仲有個豬都好食過牛
煮魚食烏冬, 粟米仔, 肉, 南瓜
連平時成日揀飲擇食既幸晴都食左好多野
緊係啦! 因為講好左食完就可以去遊戲區玩呀嘛!! 我地午餐時間黎所以唔太多人, 遊戲區比佢地兩姊弟玩晒
老老實實, 個遊戲區唔算多野玩, 最好玩已經係架剷泥車, 幸好佢地仲未到嫌三嫌四既年紀, 有幾舊積木, 幾本書睇下已經覺得好開心
最好仲有糖水送, 食完個餐真係超飽呀!
宜蘭農權店03-9320160
羅東林場店03-9559077
營業時間 :
午餐●11:30~14:30
晚餐●17:00~22:00
