! 既然一歲, 就先講左我地為左一歲TRIP既重點行程先啦!!! 哈哈抓周門口有幾張長木椅俾等抓周既坐，幸晴又點會坐丫，出左去揾羊咩咩
換下片等多陣就到我地，估唔到平日都唔少人，聽聞假日更多人, 連出面準備既長椅都坐滿
等左一陣就叫幸晴個名啦! 之後入場會有姐姐一對一貼心服務, 我仲以為即刻去抓周, 原來仲有儀式要做, 首先第一個係澎澎龜澎澎大, 即係摸玉烏龜, 因為龜象徵長壽
抹乾淨手之後, 就抽一支祝福籤，入面有好多唔同既祝福語, 最後係左右逢源…..我淨係諗到第時佢可以一腳搭幾船(誤)…….原來係解佢將來職場上會有好多貴人幫佢….咁都幾好喎!!! 不過其實句句都好野黎架, 抽到邊句都係好
抽籤完, 姐姐仲會送包米餅比佢
下一PART姐姐強調要爸爸抱BB, 原來係因為下一PART係腳踏龜
爸爸要抱起幸晴, 再踩落紅龜上，呢個動作要不斷重複， 踩壽–>採壽, 祝福幸晴長命百歲
踩完假龜, 姐姐再送上一包米比我地, 早知唔駛自己帶米煮飯啦!!!
好啦好啦, 到戲肉啦!!!!
先幫幸晴帶上口水堅, 同埋戴虎帽, 男仔戴金色, 女仔戴粉紅色, 一變身完, 我同幸晴爸都即刻大叫, 好CUTE呀~~~
幸晴爸呢個愛女狂仲話買返頂虎帽返屋企…….即刻比我怒吼: 傻架!!! 帶出街又怪, 係屋企更加唔會帶, 呢D….都係影下相就算
好啦好啦, 入返正題, 幸晴要坐入紅圈內, 紅圈內放左好多唔同既物件, 好似聽筒, 結他, 印章, 連假IPHONE都有部, 唔知有冇BB拎左IPHONE呢? 唔知係咪代表佢係下一個STEVE JOBS呢, XDDDD(拎起IPHONE原來係代表工程師, 科技新貴)
好啦, 放左幸晴入紅圈之後, 因為佢面前有太多玩具, 所以佢係一D都冇扭抱………至於佢第一樣拎起既野係….聽筒!!! 但係拎起掉左佢…………所以聽筒唔算數……….睇黎幸晴真係好怕睇醫生呢……XDD
真真正正既第一樣係…..結他!!! 即係將來既職業係明星, 音樂家, YEAH!! 我要做星媽啦!!
跟住第二樣係拎起間尺, 第時做設計師……
第三樣係鍋鏟, 又明星又廚師，唔通佢係下一個肥媽？
宜蘭傳統藝術中心除左有抓周, 呢度都好好行架, 又有傳統野食賣, 係度行下其實都好舒服
行到口渴就去飲杯茶
個蜜味紅茶好好飲呀, 係店員推介, 話天然茶自己出黎既蜜味, 唔係加左蜜糖
當然唔少得講下呢度既育嬰室啦! 係中心如果想幫BB換片既話就好多地方都有, 但餵奶既話就得一個亭有, 間房好大同乾淨, 係度爸爸同幸晴可以休息慢慢等媽媽泵奶, 不過唯有少少缺點係佢窗係透明玻璃窗, 雖然已經貼左紙掩住, 但其實D角位都可以望到入黎
…只係應該冇人變態到裝入黎掛!!!
哈哈, 以上既都係純玩意, 信不信由你, 有幾準就要20年後再話比大家知, 總之幸晴就玩得好開心, 我地又睇得好開心, 有興趣帶BB去台灣黎個一歲旅行既話, 可以考慮下呀!
其實中心唔止得抓周活動，還有四個月大既BB既收涎(收口水)活動, 有興趣帶小BABY去旅行既都可以睇下呀
收涎抓週館專用信箱: Jhao@art-pcsc.com.tw
抓周預約網址: https://art.pcsc.com.tw/ncfta/onlinebb/bookingbb_list.jspx?me=3
當然唔駛一定要去台灣先玩到啦, 係屋企都可以將你地既物件比BB抓都得!
原文轉載自: https://wow.esdlife.com/space.php?uid=63794&do=blog&id=273298
