黎到 day 5 , 終於出發呢次行程既重點中既重點 : 釜山賞櫻
總共黎左 6 次韓國 , 每次都有一個全新地方要去既 , 呢次就去釜山 , 相當緊張呢。
而我地搵既所有 blogger 教學都係 2015 / 2014 既事 , 有些去到先發現係有問題 , 由其一去到落車果度。
而且係出發前知道來往慶和站同鎮海既火車係 2016 年既櫻花期 (軍港節) 其間不再行駛 , 長期停泊係慶和站比大家影相 , 都係失望既 point。
咁點解要去馬山站落車 ? 因為果度比較近鎮海 , 火車站對出已經有 760 號巴士直接去到。
———————————————————————–
上一篇都講左為左準時上到 KTX , 所以係首爾站對面既酒店訓。
呢日 4:00am 起身 , 4:30am出門 , 真係天都未光。
車唔多 , 反而人比較多 d , 原來都好多人一早黎坐火車。
我地就係跟住前面帶帽個人行 , 我地都係直接係地面橫過左條大馬路 , 真係好彩冇車。
順手幫趁街邊既亞豬媽買飯卷就去上車。
呢度睇清楚自己去邊個月台上車
我地架車一半去馬山 , 有一半去釜山 , 即係架車會分體
所以唔好上錯卡
上到車就食早餐
當然唔少得香蕉奶啦 , 咖啡味真係冇咩特別。
3小時後 , 就落車。
出站後 , 靠右穿過花園就可以見到巴士站。
呢度就係出口
直行少少都見到 d 巴士
就係坐呢個 760 號 , 紅色左既
當然會有站名牌
有埋班次係度 , 但唔好問我點解平日既車多過星期6/假日車
去到當時真係好多人 , 前方既比較亂 , 而較後方都已經一個個排好 , 我地都照排左先。
但一有車黎 , 大家都好規矩咁一個個咁跟番上車。
順帶講聲 , 架巴士得 28 個座 , 上車前可以數數人數 , 再決定上唔上車。
我就好好彩 , 有位坐。
車程大約 , 35-40分鐘 , 老實講 , 邊個站名落車我真係睇唔切。
有 blogger 話過最多人落車果個站就係。
我見車程時間差不多 , 有一個站好多人落 , 就跟住落車。
點知肥熊落車後就咁鬧我做咩落車 , 都唔係呢個站落 , 之前有 blogger 講過落車個站係新生園既野咁架嘛。
我當然由佢鬧 , 施施然打開 google map 同韓巢比佢睇 , 再指指對面間 Isaac。
佢晃然大悟 !!!!
不過佢冷靜完 , 我先講番 , 我其實係膽搏膽 , 不過我覺得就算落錯車 , 入左市中心點都唔會迷路囉 , 結果比人怒視左一下。
—————————————————————–
下面就係 2015 年同 2016年落車站既分別
其實我呢個係今年 (2016年) 4月既交通安排情況 , 唔知道 2017年又唔知會改路改成點呢 ?
不過今年比上年改動比較多 , 除非多人投訴啦 , 唔係既話 , 我相信 2017 年櫻花期都係咁樣安排
—————————————————————————-
冷靜完就睇下四周 , 馬路兩旁全部都係櫻花樹 , 感覺真係好幸福 , 好夢幻。
落車對面就係 Isaac
前一晚釜山都仲係落雨 , 所以地下都好多櫻花。
見到 d 情侶都覺得好浪漫
櫻花車
不過最開心既係當有一下大風時 , 就會見到櫻花雨 , 但好難用相片表達’
仲掛左好多呢 d 旗
.半行半影
好快去到鎮海站。
可惜 , 因為今年停駛左原本只係櫻花期 (軍港節) 先開既火車 , 呢度而家就變得好荒廢。
不過站外仍然有幾棵一櫻花樹 , 真的好靚。
原文轉載自: https://wow.esdlife.com/space.php?uid=20275&do=blog&id=313768
