位於內湖既Moooon Spring Cafe & Play, 去既原因係因為佢近美麗華犘天輪
去完之後, 我最鍾意呢間親子餐廳, 亦都覺得呢間餐廳比較適合年紀小既BB玩
地址及前往方法: 台北市中山區敬業一路128巷39號1樓, 文湖線捷運 劍南站2號出口: 沿敬業二路往典華婚宴會館大門右側巷口進入，於敬業一路128巷（巷口有星巴克）右轉，找黃色柱子, 約10分鐘 (其實只要見到星巴克轉入去條街, 就好快搵到間CAFE架啦
其實仲有另一個方法架, 可以去劍潭站再轉美麗華免費接駁巴去, 咁就可以順路行埋美麗華, 又可以去埋劍潭站既士林夜市, 但我地遲左由宜蘭出台北, 所以最後CUT左行士林夜市既行程, 始終BB既行程係排第一位!
去到劍南站見時間尚早, 我地去行一行美麗華, 參觀下美麗華既育嬰室 (捷運站一出左邊就係摩天輪, 右邊就係去親子餐廳既方向
(美麗華既育嬰室, 入面有獨立房方便餵奶奶)
去完育嬰室就行過去餐廳啦! 門口位置望落唔似親子餐廳既, 反而似係咖啡室多D
去到先叫野食, 然後就出去玩, 咁就唔駛怕等到野食上完，但BB已經唔耐煩啦
呢度有一間音樂室, 有玻璃阻隔住D嘈音, 幸晴彈琴彈得好開心呀, 坐係度彈得似模似樣架, 哈哈
之後我地去左沙區, 但其實唔係普通既沙黎架! 呢度係用豆沙, D豆沙唔會痴身, 唔駛拍拍拍, 拍勁耐先拍走晒D沙, 不過因為唔係沙, 豆沙呢個第一次見既觸感, 初初幸晴唔敢坐, 維持深蹲呢個POST一段時間……最後都克服左心理關口, 坐低慢慢研究
仲有積木區, 仲以為係波波池, 仲諗緊點解咁少波……但原來唔係波波池玩法黎架….幸晴既玩法係….將D波全部放返入箱…..請問請唔請人做清潔?!!XDD
真正既玩法係, 牆邊貼滿左呢D “雞蛋墊”, 小朋友可以用佢地既創意去拼出佢地想要既圖案, D波波係用海綿做, 連幸晴都可以放得入去牆邊D洞架, 仲玩上癮添!
好啦, 野食黎啦, 講左野食先, 呢度行自助形式, 餐具自己出去拎, 湯都係自己裝, 不過其他野食同飲品就係店員送黎既
我個紅咖哩飯, 好好食呀! 第一次係親子餐廳食到咁好食既食物架! 亦都係其中一個原因我最鍾意呢間餐廳, 哈哈
幸晴爸既奶油焗飯一樣好出色! D芝士真係起晒司架!!! 不過平時食慣重口味既佢居然話個飯太漏….緊係啦! 足料芝士呀!
呢度有BB糊仔賣, 我果晚就偷懶左冇煮粥比幸晴, 叫佢黎呢度一齊食, 叫左個南瓜花椰菜雞肉粥比佢, 佢都食得好好呀, 我估應該唔難食啦 (幼兒餐點另有花椰菜紅羅白魚肉粥選擇)
食飽暖笠笠, 即刻去玩多ROUND, 今次仲去埋室外場既畫水區, 唔駛用顏料都可以玩一餐架, 擺返個POST型過蜘蛛俠先!
因為幸晴唔多識玩, 淨係識係桶度玩水……所以媽媽即場示範比佢睇, 啊, D水向下流….點解有D恐怖既氣氛既……當時媽媽心中閃過左一個畫面, 將佢畫埋出黎!!!
喂!! 仲唔還錢下次淋紅油啦!!! 哈哈哈哈哈
呢度亦都有一間哺乳室, 一格換片室, 只要開燈, 門口指示牌就會著燈, 好清楚見到有冇人用緊, 唔駛行到過去先知有人用緊又要返轉頭啦(雖然只係幾步路，XDD)
每次幸晴都玩得好盡興, 放晒電先走, 永遠一出門口就即刻睡在我懷抱, 連想比佢睇下夜晚既摩天輪都冇機會啦
親子餐廳FACEBOOK: https://www.facebook.com/moooonspring/
(可用FB INBOX去BOOK位, 記得講明你係香港人唔方便打長途呀!)
原文轉載自: https://wow.esdlife.com/space.php?uid=63794&do=blog&id=276959
