我哋啱啱去完澳門玩，一直都仲好回味旅程點滴，真係唔可以唔介紹比大家呀！
由出門口至到上左船都未停過興奮既心情
搭左一個鐘頭多啲既船程，終於到達澳門喇！過關後就搭酒店shuttle lu~
經過幾個商場，終於到達大倉酒店，未有房就先check-in同安排行李寄存
去玩lu喂！我哋去左澳門旅遊塔
睇下兩兄妹幾大膽，不停響啲玻璃地板度跑跑跳跳，未驚過！
跟住去左60樓既360旋轉餐廳度食lunch buffet，邊食邊睇啲人玩笨豬跳好過癮
過到黎澳門都要行下玩具反斗城，真係冇佢哋乎
番到酒店攞左房就可以休息一陣喇！晴晴真係舒服到瞓左喎！
間房好大，我哋好滿意呀！
洗手間既簾係可以調較至望到出面房間架！
浴室用品一應俱全
等晴晴醒左之後，我哋就馬上換泳衣落去天浪淘園度玩喇！先黎玩下沙玩下水~
跟住就去左沖浪池度玩喇！
兩兄妹都唔怕啲浪，仲越玩越high添！
朗朗先勁！飲左幾啖水都仍然要向深水方向進發
玩完水好肚餓，去左官也街既誠昌食蟹粥呀！
飯後甜品係莫義記既貓山皇榴槤雪糕
行完街、買完手信就番酒店休息lu~
第二朝我哋冇出去食，因為想把握時間再落天浪淘園玩呀！
今次我哋向另一邊既空中激流進發~~~
我同朗朗，老公同晴晴分別坐住一個大水泡開始我哋既激流旅程喇！
坐左上去大水泡之後，就好似身不由己咁隨浪飄浮，間中會有啲大浪起跌，都幾好玩刺激呀！
之後又去左另一個兒童樂園玩
呢度只要小朋友夠大膽唔怕啲灑水，就會玩得好開心架喇！
兩兄妹響呢度都玩左好耐呀！
我趁住兩兄妹玩得咁投入，就偷偷地去左玩冲天激流。綠色果條梯既斜度係最低級，啱晒我呢啲初級入門新手，入到去會見到有啲玻璃見光位，跟住就係黑蚊蚊越sir越快，好快就落到去水池。超正！有機會都想再玩埋另外果兩條梯呀！
我哋又番番去沖浪池度玩喇！兩兄妹真係好鍾意玩浪~
玩完水、沖白白、執拾、check-out，忙完一輪，去嘆番杯雪糕先
跟住就去左JW Marriot酒店既Kids Club度玩砌lego、煮飯仔….
爬繩網、跳彈床、sir滑梯、鏡世界….
波波池….
仲有各種各樣既遊戲機
食埋下午茶就回程喇！
去過咁多次澳門，今次真係最悠閒亦係最好玩既一次呀！
以前去澳門除左觀光同埋賭場，好似冇咩野好做咁。近年多左酒店以渡假主題落成，又多左啲兒童遊樂設施，所以好玩好多。
我慣常會plan到啲行程密密麻麻，但今次去呢度靜係玩酒店設施已經夠晒，都唔駛再plan太多其他景點行程喇！
天浪淘園真係好大，要分兩日玩。可以參考下以下呢幅圖 (按圖放大)：
天浪淘園其實係由5間酒店包圍住既，大倉、JW Marriott、Banyan Tree、銀河、Riz-Carlton，附近新開既百老匯酒店共6間都可以享用天浪淘園既設施架！
有興趣去埋JW Kids Club既可以參考以下資料：
只要你入住其中一間酒店，都可以7折入去kids club度玩
優越會會員咭
另外，一定要上網登記成為銀娛優越會會員呀！響整個渡假區裡面玩，好多地方都可以享有優惠架！好似去群芳食lunch buffet就buy 1 get 1 free喇！而我哋去翠華嘆下午茶，都有9折呀！
優越會：https://www.mygalaxyclub.com/zh-hant/
最後要提提大家！回程如果係去氹仔碼頭上船回港的話，要預早至少45分鐘到達碼頭。我哋預早半小時去到發現碼頭打晒蛇餅，跟住排隊怱怱忙忙咁過關，之後仲要行一大段路先到隻船度，差啲趕唔切班船。所以記謹，一定要預充足時間到達碼頭呀！
今次旅程玩得好開心，已經plan梗下次幾時再去澳門喇！好期待呀！~~
一齊黎回味下幾段旅程既短片丫：
澳門旅遊塔：
https://youtu.be/mAFciA-eGpc
天浪淘園：
https://youtu.be/vvOlCPV6RXE
原文轉載自: https://wow.esdlife.com/space.php?uid=103522&do=blog&id=309712
