首先由香港去越南係要辦簽證既～！我當時就係透過一啲網站，搞左網上簽證，跟住去到就落地簽證。搞網上簽證應該方便過去越南領事館，同埋亦都會相對上平啲！網上簽證大概 HKD70，落地簽證需要比1張護照相同埋 USD25 就搞掂！
如果要搵地方住，我會建議住係 District 1，因為好多商場同埋景點都係個頭。
Day 1:
去到越南既第一日，join 左一個Saigon motorbike 既 local tour～ 超級推薦呢啲tour，因為佢地當地既導遊會帶你去一啲你唔會去既景點同埋餐廳（尤其是係District 1 以外既地方），都幾特別，成個團大概HKD200，都唔會話特別貴！第一站去到 Thích Quảng Đức Monument 同埋 Thien Hau Temple，明白左一啲關於胡志明市既歷史。
之後去左 District 3 既 oldest apartment，了解左佢地既生活文化。一個照早已經食左3餐正餐，包括粿條，河粉同埋broken rice（越南飯）。
返到District 1，我地途徑 Ho Chi Minh City Museum of Fine Arts（胡志明市立美術館），如果對藝術有興趣既你地不防可以入去睇睇，門票大概 HKD4～
美術館行多幾步就係 Independence Palace，Notre Dame Cathedral of Saigon，Saigon Central Post Office（胡志明市中心郵政局）同埋 Book Street (Nguyễn Văn Bình) 。如果想買郵票或者明信片，可以去郵局或者書街度睇睇～
最後一站去左 Tân Định Church（粉紅教堂）～呢個教堂真係好靚，如果想做下港女，影下相，呢度會係最啱既地方～但係入去好似要收錢，所以我都係係出面影下相，無入去睇到。夜晚去左一間越南餐廳食飯，叫左當地既春卷同埋粉面。
Day 2:
第二日包左車，大概HKD600（3-4seats）去頭頓市。由胡志明市到頭頓市車程來回用左4個鐘，所以記得預足夠既時間去玩！第一站緊係去食啦～我地去左當地既一間比較著名既餐廳，叫左魚，八爪魚同埋軟殼蟹。頭頓市比較出名海鮮，所以去到食野比較建議叫海鮮！
我地個司機載我地去頭頓聞名既景點，例如 Jesus Christ’s Statue，Vung Tau Lighthouse 同埋 Vung Tau Beach。參觀 Jesus Christ’s Statue 需要注意既係，女士同埋男士記得要著過膝頭既褲或者裙，要著有袖既衫。另外，需要注意佢既開放時間，如果唔係既話你行到上去，佢唔開，就會好晒架啦。行上個 statue 大概1000 石級，係個statue 入面行到個膊頭度大概100 級。所以去呢個景點係要好有毅力架，但係其實都唔洗擔心既，因為中途都會有啲 rest stop，所以其實都唔係太辛苦～
作為一位港女，緊係要影下相，所以去左一個 upside down cafe，係入面瘋狂影相！另外佢啲咖啡都相當平同好飲，所以都可以一試～玩到大概4點，我地就返胡志明市。最後，返到去，我地去左當地既一間 Dining in the dark 餐廳。相當推薦呢類餐廳，因為佢地經營呢間餐廳既背後意義好特別，如果有機會去到胡志明市，一定要試下！
Day 3:
第三日都係跟local tour，speedboat 遊覽西貢河，rowboat 遊覽湄公河。中途都經過 Tuong Van Pagoda，Cao Dai Temple，當地既 local fresh market，同埋Buddhist Orphanage。返到市內，諗住去買手信，所以去左 Ben Thanh Market 同埋 Nguyễn Huệ Pedestrian Street，但係我覺得呢啲地方賣既野都偏貴，所以會建議係其他 night market 或者街度買可能會平啲。行人街附近有 Ho Chi Minh City Hall，夜晚都好多人係個度聚集，好舒服，係好難得其中一個無電單車行駛既地方。
黎到越南就一定要食當地既河粉或者檬粉。但係講真，我覺得香港整既河粉同越南差唔多。
Day 4:
最後一日，跟左個local tour 去左 Cu Chi Tunnels（古芝地道）。如果對越南戰爭歷史有興趣既人，應該會對呢個對方非常感興趣。
呢個隧道係美國同埋越南打仗時慰留落黎既，又稱為「越共總部」，展現到越南人既堅持同埋毅力。如果你對歷史有興趣，不防可以去埋戰爭遺跡博物館。
最後一日既夜晚係西貢河，一個船上面食，幾chill，幾relaxing，船上面仲有當地既歌唱表演，係另一種享受！
#寫出你遊歷 及 #hutchgo資助旅費1000蚊
