#寫出你遊歷 #hutchgo資助旅費1000蚊
呢個冬天，香港雖然唔係好凍，不過我都訂咗機票去南半球嘅澳洲，諗住避一避暑。因為之前就去過澳洲嘅東岸，即係墨爾本啊悉尼嗰度，所以今次就諗住搞搞新意思，黎到澳洲嘅西岸，珀斯玩返幾晚，之後我哋就會飛去澳洲嘅中部睇Uluru。事不宜遲，即刻帶大家睇吓我喺珀斯玩左咩啦！
柏斯機場同其他澳洲機場分別唔大
Day 1
Rottnest Island（羅特尼斯島）
浴途嘅風景真係唔錯。
海邊嘅風景
嚟到珀斯就冇乜可能唔去佢最出名嘅羅特尼斯島，嗰度係全世界唯一可以睇到小袋鼠quokka，佢哋係被稱為世界上最開心嘅動物，所以嚟到呢度一定要同佢自拍啊，不過佢哋就好衰嘅，好多時都會令埋一面唔理你，所以你要同佢影返張自拍嘅相呢都可能要花上一兩個鐘架。
因為第一日呢落機都差唔多成一兩點啦，所以我哋第一日嘅景點淨係去咗羅突尼斯島，同完袋鼠仔影完相之後我哋就返返市中心食Nando’s, Nando’s啲雞雖然唔係話好好食(我食左新出嘅halloumi) ，但係澳洲來講都係一間唔錯嘅餐廳，我哋之後就返左酒店休息啦。
Day 2
Kings Park + Blue Boat House
珀斯雖然係澳洲第四大城市，但佢嘅人口其實都係得百幾萬。不過佢人口少，唔代表佢呢度嘅風景唔靚喎。今日我哋就嚟到珀斯嘅市中心Kings Park。係我介紹景點之前，等我分享下珀斯嘅交通工具先啦，珀斯唔同香港，係冇地鐵同電車架，所以你由酒店去唔同嘅地方都要搭巴士，而其中有四條巴士線，係會好似墨爾本嘅電車(free tram)咁，係唔使俾錢架！呢四條巴士路線大家都會叫佢做CAT bus，你去到市中心一定會認得到佢哋，因為架巴士上面係會有貓嘅公仔，所以咪有名你叫CAT bus囉，而呢啲路線係用唔同嘅顏色黎都到改名嘅，所以唔同嘅巴士亦都有唔同嘅顏色，好容易就認得出佢哋，呢四條巴士路線基本上已經可以去到市區入邊差唔多八成嘅地方，我今次就由酒店搭藍色嘅線，喺20號車站落車，直接去珀斯最大最出名嘅公園Kings Park.
CAT bus
如果大家同我一樣，都係坐藍色線嘅話，你一落車，就要向前行大約10分鐘到，就會見到左手邊有條小路，沿住條樓梯行上去就會係kings park，kings park係一個完全唔使錢嘅地方，我建議大家嚟呢度嗰陣，可以去超市買啲嘢食嘢飲，甚至自己前一晚去珀斯嘅市場買餸，然後自己煮，咁你哋就可以帶黎呢度野餐，除咗野餐之外，你仲可以帶埋飛碟，太陽油或者波嚟呢度玩。喺呢度曬下太陽真係好正，呢度唔單止風景好靚，仲可以睇到天鵝河。
kings park 全景 (p光左好多)
仲有啊，呢度有一條空中走道（Lotterywest Federation Walkway），兩邊都係透明嘅玻璃，下邊呢就冇嘢嘅，喺呢度睇吓風景打下卡吹下風，都咪話唔正，不過要來呢度嘅朋友仔就要注意，因為安全的問題，呢度淨係喺每日嘅九點鐘至到下晝五點鐘先至會開放，太早或者太遲來的朋友就要注意啦！
晏就影嘅，光線已經唔夠靚
Kings Park仲有另一個景點DNA Tower，佢係由兩條旋轉樓梯組成，因為個樣好似DNA，所以就有個咁嘅名囉，佢一頂層仲有一個指南針，上面寫咗其他地方嘅位置同埋距離，但係具體詳情寫啲咩就交俾你哋自己探索啦，不過我可以同大家講聲，由下面慢慢行上去真係會好頭暈，而且風好大，有畏高嘅朋友仔要注意啦！
頂層嘅指南針
跟住我哋就去到藍色小屋，老實講，藍色小屋其實入邊真係乜嘢都冇，不過啲人話佢出名嘅原因系因為藍色嘅屋你係藍色嘅海上面同埋藍色嘅天空底下，咁就出咗名啊，嚟呢度嘅朋友仔要注意啦，如果你哋係揸車嚟嘅話，咁你哋泊車都可能有排攪，所以我都係建議大家搭車嚟好啲。同埋呢度好多人，好多時你會見到啲情侶喺度影相，如果你係單身嘅，我勸你都係唔好黎呢啲咁危險嘅地方！不過如果你真係想影相嘅，就要排隊啦。
Day 3 Pinnacles Desert
第三日我哋嚟到尖峰石陣，尖峰石陣係喺Nambung National Park入邊，嚟呢度你可以自己揸車嚟又得，或者可以好似我咁，join local tour，包埋你一餐晏仔，都係大約$200澳紙，即係而家香港千零蚊左右。尖石陣其實係一片沙漠嚟，喺呢度到處都係金黃色，雖然好靚，不過真係超級熱。俾我提示大家，如果大家想放一個袋影相嘅話，就千祈唔好放喺啲石頭隔離，因為你一旦離開咗，你就好難搵返自己個袋，因為舊有石都係一樣樣咁。如果你好細心咁望石頭嘅表面，你就可以望到一啲殘留嘅植物痕跡。我參加嘅嗰個local tour除咗睇呢個佔石鎮之外，仲有得坐着四輪車周圍走同埋玩滑沙。不過我最鍾意呢度嘅地方係，你可以喺呢度望到印度洋架。
黃昏嘅尖石陣
分享左咁多個景點，我都分享下我呢幾日喺西澳珀斯食過嘅好西啦。
Ciao Italia
呢間係一間意大利餐廳， 1999年就開咗張，你呢度嘅話記得早啲嚟排隊因為係會好多人嘅，呢度最出名食嘅係意大利燉飯，墨魚麵，pizza等等，如果你係好鍾意食pizza嘅話，咁就啱啦，因為呢度有成13種口味俾你任君選擇。價錢方面， 一塊pizza大約係$30澳紙，而海鮮同埋paste大約係$33澳紙，價錢來講係澳洲其實都係正常，所以我都幾推薦大家嚟呢間食架。
Little Caesar
頭先嗰間就好出名食鹹嘅Pizza，而呢一間小凱撒就係最出名食甜嘅Pizza，你以為甜嘅嘢同Pizza係唔夾，咁你就大錯特錯啦，呢間餐廳絕對會令你對甜嘅Pizza改觀， Pizza嘅口感再加埋雪糕同埋唔同口味嘅食材，一咬啦真係超級多層次，就好似你食緊甜品一樣。呢度嘅口味種類相當之多，亦都可以做雙拼，細嘅Pizza大概系15分左右二大嘅Pizza大約係$20左右，呢啲情況梗係一人叫一個啦咁平！
Corica Apple strudel
作為甜品控嘅我，又點會抗拒蘋果批呢！呢度嘅蘋果蓉甜度適中，出面嘅酥皮亦都好脆，雖然買成$20澳紙一個，不過人一世物一世一定要試啦係咪。黎呢度一交通幾多號方便，就係喺北橋附近。
Taka
可能你會好奇怪我點解係澳洲定係食日本嘅嘢食，不過嚟過澳洲嘅人都知道，其實歐洲係呀好多嘅日本餐廳，不能吃壽司拉麵三即係丼飯都有得你食！今次我介紹嘅呢一間餐廳，價格唔會係好貴，大碗嘅丼飯都只不過係$13澳紙，我推薦大家食嗰個雞肉丼飯，啲雞肉好嫩同啲蛋汁好襯，而且價錢都唔會好貴，雖然冇一個味增湯，但整體來講都係值得一試嘅，如果嚟左太多日掛住啲亞洲嘅食物嘅話，咁就要嚟呢一間啊。
今次嘅分享就去到呢度啦～
