近排多左好多香港人去越南玩，貪佢夠近又平。
但唔知大家知唔知道除左搭飛機，更加可以由陸路搭火車，由香港出發去到越南河內呢？趁後生趁有時間，梗係要試下啦！
咁，你估下要幾耐？
3日？5日？錯了，一日多D已經夠。
當然，青春熱血係要有付出，行程前要準備：
1) 回鄉證（因為要入大陸境）
2) 護照
3) 越南簽證註 （注意！！！陸路去不能夠申請落地簽證，故必須要到領使館搞visa）
4) 越南盾（可去到過中越邊境時搵CNY/USD換）
5) 美金 約USD 100 – 越南會收USD
Day 1
夜晚同friend出發，搭東鐵去深圳，打番個binlo，訓番晚，第二朝一早出發。
Day 2
一大朝就去到深圳北站搭高鐵去到廣西南寧站。這是我第一次搭高鐵，真的很快。
個車站真係大得有D誇張，呢幾年大陸真係改變好多。
唔洗幾個鐘就到左南寧，高鐵站大到一個點，行好耐先到的士站，要搭的士去另一個市內火車站，個到先有會出發去河內嘅火車。
買飛無得網上訂位，只能夠現場買即日車票。我地成班好好彩，4個人岩岩好包到一間房唔洗同人share。車錢真係唔係好貴！差唔多HK$300！
車飛上係寫由南寧去嘉林（Gia Lâm），唔好以為買錯！
去河內嘅火車每日18:10開出，上火車前最好食定晚餐。車站有好多餐廳，都有超市，記得買定野，如果唔係成晚唔知點過。
上到車，其實乾淨程度還可。
接下來的部份抱歉未能夠提供相片，因為過關好難同埋應該唔比影相。
夜晚會過中國境，落車時要攞埋行李去過x-ray，然後過海關。呢度D關員比較少見回鄉證，個個見到都好似好神奇咁。過關後再上番車。
開車開左一個幾鐘，有越南海關上車收護照。然後繼續行左陣又被趕落車，過越南關。唔同過中國關，呢度一早收左你passport，落車就係大堂一直等，等叫名出去攞番自己的護照。上網好多傳言話要比tips比D海關人員，當初我都好驚，但最後乜野都無發生過，安全。呢度亦可以換錢買sim卡。
Day 3
清晨6點幾到達河內，展開呢次Vietnam之旅！
熱血一程夠哂數，番嚟香港都係搭番飛機，反正飛越南咁多廉航，買單程都唔會貴！而且呢度所有野連住都好平，所以今次旅行洗費唔大。
#寫出你遊歷 #hutchgo資助旅費1000蚊
