經過一晚休息….呢日又要早起…因為去呢個環球影城…
8點半就出發去坐地鐵…而外父外母話呢日有大雨…肥熊當然面色一沉啦….都要照出發…因為 d 飛係 set 死日期….
其實落雨又有咩好怕喎…
因為尋日已經由酒店行過去地鐵有幾次經驗….而且呢度有唔少橫街小巷….所以我盡量都行唔同既路去…感覺會好似睇多 d 野….
呢間係小印度入面最7彩最光鮮既一間小屋…
途中亦經過一間話係政府開既超市…有上下2層好鬼大….野都叫平(好似係)…
買左少少野飲….就真係去坐地鐵喇…去到呢個港灣站…站同呢個 vivo city 商場相連…呢度有單軌車去呢個性淘沙…而當中會經環球…
去到港灣站都仲早…出閘係商場呢一層已經有好多野食….我地選擇食亞呻咖央做早餐…佢地個咖央面包真係好味 d…
叫左 2 set 4 個人食….而入面 d 嬸嬸都好好人…將 1 set 既雙蛋…佢就獨立一人一碗一隻咁分比我地…
呢度都有一間又係超大既超市….食飽想行下….但太早喇….未開….
就上 3 樓坐車…已經好多人等車同買性淘沙既飛…好彩去環球只係需要坐一個站…好快到…
而車飛係網上睇就話 3 蚊…我地呢次就已經加到 4 蚊….包來回既…
果度有好多自動售車票機…D 車飛仲要係 o都 入閘….o都完都 keep 住先…唔知回程要唔要…
因為我地經旅行社買套票…落左車就要搵邊度換飛…
雖然我係網上都搵左點樣搵同行去換飛地方…係好可惜…指示又係 0 ….
撞左去賭場客服度問….佢地都好好人慢慢教我地行…
換飛地點係地庫車場入面某個位…當中有 3 個 box 比人換飛…每個上面都有好多旅行社名…
咁我睇換飛張紙果 d 名…又同幾間 d 名唔同….
其中一個入面個姐姐 叫我埋去…叫我比張紙佢….就係果度換到飛…
個姐姐都幾醒….而 d 飛 1 套 4 張…
但見都差不多 11點….要快 d 手入去…
上番到地面….真係有 d 雨….但又唔算大囉……而門口個地球點可以唔影呢…
入到去…拎地圖同果 d 表演時間表都係第一時間要做既….
見人唔多…想拿拿林去變形金剛…但因為順路見有少少雨就玩左 曲奇 elmo 果個 winnie the pooh 式既遊車河…
跟手真係去變形金剛喇….
我地一排…已經係排到去室內架喇…心諗咁快入到去…好玩真係可以玩多一轉喎….
但室內條隊都可以好長….差不多 over 30分鐘…
真心好正….逼真到呢…外母話我叫到拆天做咩…其實投入去叫…會開心好多…
真係好想再排再玩…但仲有好多野睇…就冇再玩一次…
之後去睇呢個 water world….都係果 d 形式啦…..但 opening 果度可能係多外國人關係…
氣氛好好….周圍淋水 d 人仲笑哈哈咁….
完場就係 lunch 時間…但好多人…所以肥熊同外父去左飛 mummy 飛車…我同外母就怕…冇玩… >_<
玩埋個 on 居居車仔
就去食 lunch…就真係少人左好多…
係豬羅果度食…都好似戲入面個餐館架
有 3 條隊….叫唔同野食….我同外父1人1面排啦…
但我後面果 4 隻蝗女呢…就好鬼死緊張咁逼住晒….好煩…
不過亦都多謝佢地煩…我望一望佢地…就係見佢地拎住 d 套票…好似話有 10蚊 coupon…
原本個餐就 $11.5 波子….平 $10.. 即係 $1.5 波子就可以食到一個海南雞飯 set ….有飯/面同有個又係好好味既豆腐花…
真係低到呢….點解香港果 d 唔鋸到你一頸唔得既……
當然啦…食個 set 唔可以太高期望好好好好好味同埋係冇野飲….但真心低…
食包又行下睇下….同影下相啦…
跟住去到呢個 4D 電影…..有人話悶有人話好睇…
冇錯….一入到場….成班企定定係咁度…睇 d 冇 3D 又耐又唔知up乜既野…
睇左陣….已經見有人走左….外父外母都話走…我話唔係咁既…等左起碼有10分鐘後…終於入場….
其實唔明佢個 opening 要黎趕客 ?
算….我地要差不多行到最後先有中間位…不過幾得意….有驚喜…
感覺比起香港個唐老 duck 好睇 d…wakakakak
之後就慢慢行周圍影相….買薑餅人比姪仔….
就時間睇左 曲奇 同 荒失失 既街頭 show…
咁就走人喇….呢個地球點可以唔影番張….
其實真係幾累….途中都已經有坐下休息下…
之後去食自助餐….其實幾貴…但有蠔有蝦有蟹…都 ok 既…
但 d 汽水真係晒氣…冇味冇道….
雖然可以由 7點食到 10點…
我都係食到 8點幾就走….去坐呢個摩天輪….
對於畏高既我….真係大挑戰…..
但呢 d 機會真係冇幾何…
雖然入到個車廂真係好大….
而我畏高既程度都唔可以睇少…
初初坐定定有咁遠望咁遠….
當車廂行左 1/4 時…視線望到下面…
真係郁都唔敢郁…
到最高果陣仲話要影大合照…真係 奧賣葛…
我企左原位好耐…就算影相都係…
當轉左個高位…開始下降時….呢一面既風景好 d…
我先可以背向行近….望個相機….先可以影到….
落番地面果陣….真係仲腳步浮浮…
一場黎到….都要同個摩天輪合照….就算再行遠 d 都係值得…
而因為真係 mtr 行去摩天輪都幾遠….又玩係環球影城玩左一日…
所有最後選擇坐的士…
都係坐左 10蚊左右…4個人計…都 ok 啦…
好彩個的士司機都識廣東話…知道我地係度傾點解有咁多款的士…
原來係有分公司…同靚車…車愈靚…起標愈貴…同每跳都一樣貴 d…
原文轉載自: https://wow.esdlife.com/space.php?uid=20275&do=blog&id=167433
