#寫出你遊歷 #hutchgo資助旅費1000蚊
讀左差唔多四年大學，今年終於到我畢業啦，中學大家去畢業旅行，多數都會揀番啲亞洲地區，例如韓國日本泰國等等。而家大學畢業，就梗係同返啲大學朋友去下歐洲澳洲，出走一下，返咗嚟先面對搵工嘅挑戰啦。
而我哋今次就選擇咗布拉格呢個地方，即刻可以玩景點都幾多，而且仲有好多唔同種類，鍾意歷史嘅朋友就係睇吓教堂博物館，仲有唔少中世紀建築同埋靚景，而果啲文學文藝氣息比較重嘅人，布拉格呢個咁浪漫嘅城市，絕對拍得住歐洲嘅巴黎，米蘭等等嘅城市，呢度充滿着一種自由創作嘅氣氛，會被都唔少靈感人，所以你都俾人逐出好多音樂文學等等領域嘅傑出人士，其中一個好出名嘅例子呢個就係作曲家莫札特，佢曾經係布拉格創作過唔少嘅經典。所以，你係布拉格周圍都會搵到歌劇院、音樂廳、博物館、美術館、畫廊、戲院同埋書局，鍾意藝術嘅朋友更加唔應該錯過喺布拉格嘅藝術表演添。
就等我首先簡單介紹下布拉格先啦，布拉格可以分為五個區域，分別係舊城區、新城區、猶太區、小城區同埋城堡區。唔同城區都有特定嘅景點。
舊城區景點：舊城廣場、舊市政廳、天文鐘、聖尼古拉教堂、提恩教堂、小廣場、哈維爾市集、查理大橋、史塔佛夫斯凱劇院、火藥塔、市民會館、海柏尼劇院
新城區景點：慕夏博物館、瓦茨拉夫廣場、歐洲大飯店、國家博物館、羅浮咖啡、伏爾他瓦河畔、國家戲院、跳舞的房子
猶太區景點：梅瑟會堂、舊新猶太教堂、西班牙會堂
小城區景點：小區廣場、聖尼古拉教堂、約翰藍儂牆
城堡區景點：主教宮、聖維特大教堂、舊皇宮、聖喬治教堂、黃金巷、華倫斯坦花園、皇家花園
高堡區景點：聖彼得聖保羅教堂、城牆遺址、聖馬丁圓形建築、國家墓園
舊城區景點
舊城區係布拉格最熱鬧最集中幾個區域，因為我哋嗰間酒店係老城區，老城區同舊城區係好近嘅，我哋只要徒步就可以行到過去舊城廣場，火藥塔，查理大橋等等嘅景點。雖然景點係比較多，但其實只係需要用一日時間就差唔多可以行晒你要睇嘅嘢嫁啦。我哋去嘅第一個景點叫做查理大橋，我認為佢係布拉格入邊最靚嘅景點之一，所以我朝頭早去完之後，都專登係黃昏嘅時間翻返嚟呢度影下個鹹蛋黃。如果大家有時間嘅，可以嚟呢度影日出，我相信別有一番景象。
之後我哋就去咗舊城廣場，呢個廣場上一次過有晒泰恩教堂，舊市政廳，天文鐘，聖尼古拉教堂等等嘅知名景點，而且周圍仲有石聖母之屋，獨角獸之屋，石羔羊之家呢啲好值得去睇嘅特色建築。識少少建築或者歷史嘅朋友，就可以喺布拉格一次過見識到哥特式嘅教堂，新文藝復興嘅風格，仲有巴洛克風格同埋落可可風格你都可以見到添。因為每個景點都好相近，所以我一開始咪話其實舊城區一日都睇得晒啦。
清晨路過舊城廣場
泰恩教堂
天文鐘
一分鐘之屋
火藥塔係布拉格一個幾重要嘅地標黎，佢係舊城區一邊界。點解佢叫做火藥塔呢，就係因為17世紀呢卡用嚟製教堂火藥嘅地方。二喺火藥塔隔離呢就係海柏呢劇院，係相對上比較簡樸巴洛克建築物，一邊每日都會有唔同嘅音樂表演，大家可以俾錢買入場票係呢個音樂廳入邊睇一睇音樂劇。
新城區景點
布拉格嘅新城區同舊城區只係一路之差，不過遊客嘅數量呢就比喺舊城區少好多，而且都冇舊城區咁有咁多咁懷舊嘅建築，俾人一種住宅區嘅感覺。新城區主要都係睇一啲景點為主，下邊就俾啲相大家睇吓啦。
慕夏博物館
瓦茨拉夫廣場
跳舞的房子
黎到歐洲，真係要學吓當地人咁整返杯咖啡飲啦，而新城區就有一個好值得朝聖嘅布拉格知名咖啡廳，佢就係由1902年開業到而家又差唔多成100年歷史嘅羅浮咖啡館，你喺嗰度食嘅唔係嗰度嘅食物同埋咖啡，而係嗰度充滿着咖啡文化嘅氣氛，喺嗰度同當地人吹下水咁樣，又過咗一日啦。
城堡區景點
城堡區必睇嘅就梗聖維特大教堂啦，佢係一個主教座堂，教堂嘅兩側尖塔有成97呎咁高，所以好近距離呢系好難影得晒佢全部嘅樣嘅，佢由1344年開始起，起左差唔多成600年先起好，係一座傳統哥得式大教堂。
聖維特大教堂
觀景台
小城區景點
小城區其實就冇乜景點嘅，如果大家嘅時間好趕急嘅話，我就建議大家唔需要黎小城區啦。不過呢度嘅咖啡同埋早餐係好好食嘅！
萊特那公園
高堡區
黎到高堡區，最出名嘅就係聖彼得同埋聖保羅教堂，不過入邊其實冇乜特別。
聖彼得與聖保羅教堂
