對於我黎講，內蒙古係一個依然充滿民族色彩既地方。感覺上就好似一片未開發的土地，蒙族既傳統同文化，暫時都未比取代，感覺就好似係世界淨土一樣。因此我今次就搭上左去內蒙古既旅程！
D1
首先，香港係好少有飛機直接飛內蒙古。今次我去既地方更加係偏僻左少少，所以要係北京轉機，先直達我地既目的的 – 海拉爾。
因為轉機既關係，所以到達既時候已經係深夜。好彩預訂左專車接送，否則甘夜到達要出機場的確好麻煩。
D2
係市中心既賓館訓行之後，我地既旅程即將開始！首先！當然係試試賓館既早餐！ 呢個早餐感覺上真係非常的中國式，有麵包，土豆絲，水煮蛋同埋西蘭花木耳。 其實食起黎味道都唔差，尤其係土豆絲好有口感！
甘我地既第一站係額爾古納既草原同濕地～我地去左參觀草原上原居民既蒙古包都試穿左當地既民族服飾，之後更嘗試左蒙古奶茶同羊奶。有得著民族服飾就當然唔會錯過任何影相既機會！
之後更加去左濕地！係譽為亞洲第一濕地既額爾古納濕地！個人感覺就只是好大，同好多樓梯，但都值得一行，欣賞下天空，原來可以甘遼闊…
下午既時候我地去左興安神鹿園！我終於親眼見識到馴鹿！仲可以餵食影相！ 但眼見d鹿用鹿角係隔離打交…的確心感不妙，有d危險。
D3
朝早我地去左套娃廣場，因為內蒙古同俄羅斯相隔不遠，所以就有甘充滿俄羅斯風格既景點係到。
午餐既時候，我地去左食蒙古族既傳統美食 – 全羊宴 – 手把肉。
之後我地去左滿洲里 – 一個非常接近俄羅斯既市。我地係個到邊食晚餐邊欣賞俄羅斯既歌舞表演😍 好吸引！ 俄餐都唔錯！好好食！
D4
之後我地返回海拉爾市，係下午既時候就去到莫日格勒旅遊景區參觀～當然唔少得騎馬同睇馬術表演啦！
仲有我地發現草原有個特別既傳統叫下馬酒，即是每個來臨到草原既客人都必須係進入草原之前，雙手接過蒙族遞過黎既酒杯，用無名指點一點酒向天彈以示「敬天」，再點一點向地彈「敬地」，再點一點酒點自己額頭以敬「祖先」，最後乾杯。那杯大約係高濃度既烈酒真係…不太好飲，但為了跟隨傳統，都推介大家一試 🙂
當地人仲介紹左我地有關拜祭敖包既傳統文化。傳說如果你手執石頭圍住敖包順時針繞3圈，然後再將手中既石頭拋上敖包，你既願望就會成真！我都當然即時跟住做😂可惜許願既時候唔記得同普通話，係咪因此搞到我既願望到宜家都未實現呢…
當晚我地住宿於草原上～並享用左美味既串燒餐！草原既環境其實都依然好落後，所以居住既蒙古包其實唔算太乾淨，因為草原上水既資源有限，所以水不太多，而且仲係有顏色既… 加上入夜後寒冷非常！所以當地人都叫我地如果可以忍受就嘗試唔好沖涼一晚。夜晚我地參加左篝火大會，一齊跳跟著民族歌跳民族舞。
D5
從草原番黎之後，我地係賓館梳洗梳洗先再起程。我地之後去左阿爾山既一個國家森林公園。個到有一條樹木圍繞既森林小徑，如果兩個人一齊行既話，畫面真係好靚！其他既都無咩特別…都係花花草草。比較特別應該係一個叫阿爾山天池既地方。天池位於海拔一千三百幾米，意味著我地要行上一條又一條既樓梯先可以到達。天池神奇既地方在於多年來水位都唔會上升或下降，深不可測，同埋神奇地潔淨無比，而且無任何魚。
之後我地去左更加多國家公園😂 更加玩左橡皮艇，隨著河流漂流。 感覺上蒙古最主要都係自然景點較為多。
D6
最後一日我地係當地食下烤魚，買下手信，同埋當地出名既海拉爾夜市掃街!!! 特別推介炒雪糕同埋羊肉串😂
內蒙古既景點真係相隔好遠，所以用黎transit既時間真係不少。當地人其實好多一聽我地口音就知道我地唔係內蒙古人，所以就會覺得我地似稀客，對我地特別好。夜市既小販個個都好好傾，幫助我地認識內蒙既好多新奇事物。內蒙古真係個特別既地方，有機會一定會在去！！！！！
最後最後最後推薦大家食呢個俄羅斯麵包－名叫「列巴」！超級好食!!!!!
